Te Pukapuka

Nō te pukapuka e kīa nei ko Te Aka Māori-English, English-Māori Dictionary and Index ngā kai o tēnei paetukutuku.

Kua whiriwhirihia ngā kupu o te reo Māori o ēnei rā mō tēnei papakupu Māori hei āwhina i ngā tāngata e ako ana i te reo Māori. Atu i ngā kupu o ētahi atu papakupu o te reo Māori, kei roto i tēnei papakupu:

• ngā kupu me ngā whakamārama mō ngā rākau, mō ngā ngārara, mō ngā ika, mō ngā manu, mō ngā kararehe, mō ngā whetū, mō ngā whetūao me ngā mea o te rangi, mō ngā momo waiata me ngā haka, mō ngā momo taonga pūoro, mō ngā rōpū, mō ngā whenua o te ao me ngā wāhi, mō ngā tāngata rongonui o te ao Māori anō hoki
• he whakamārama mō ngā tikanga e hāngai pū ana ki te ao Māori
• he whakamahuki me ētahi tauira rerenga kōrero mō ngā kupu wetereo
• he whakamārama me ētahi tauira rerenga kōrero mō ngā kīwaha.

Kua kohikohia ēnei momo kupu hei āwhina i te akonga kia matatau ia ki te kōrero i te reo nei.

Ahakoa ka papakupu motuhake tēnei, kei konei ngā kupu katoa o ngā pukapuka me ngā rauemi o Te Whanake, ā, he kuputohu anō hoki kia tere ai te kite i ngā kaupapa, i ngā mapi, i ngā whakaahua, i ngā kīwaha, i ngā whakataukī me ngā pepeha, i ngā whakamārama mō ngā momo rerenga kōrero me te wetewete i te reo.

Te āhua: He uhi ngohe
Te putanga: Te tuatahi
Ngā whārangi: E 376
Te tau i tāia ai tēnei putanga: 2005
Te Kaitā: Longman/Pearson Education New Zealand
ISBN: 0-582-54836-5
Te utu: $52.99 incl. GST