Te Papakupu Māori Kei Te Ipurangi

Tēnā koe. Nau mai ki Te Aka. Nau mai ki te paetukutuku o Te Aka Māori-English, English-Māori Dictionary and Index. Ko te whāinga o tēnei papakupu Māori, kia tere tonu te rapu tikanga kupu, engari, me hoko e koe te pukapuka mō ngā karaehe me ngā wā kāore koe e tata ana ki te rorohiko me te ipurangi.

Atu i ngā momo kupu i roto i ngā papakupu o ngā wā o mua, he kupu anō kei roto i tēnei papakupu mō ngā rākau, mō ngā otaota, mō ngā ika, mō ngā manu, mō ngā kararehe, mō ngā whetū, mō ngā whetūao, mō te whānau mārama, mō ngā tāngata Māori rongonui, mō ngā tū

puna rongonui, mō ngā atua, mō ngā iwi, mō ngā waka, mō ngā rōpū, mō ngā whenua o te Ao, mō ngā wāhi me ngā whakamahuki o ngā ariā me ngā tikanga. Kua āta whakamāramatia ngā momo takotoranga kōrero, ngā kīwaha me ētahi tauira rerenga kōrero i te taha. Kua tāpirihia ēnei kia mōhio ai te akonga ki te kōrerorero pērā i te tangata e matatau ana ki te kōrero i te reo Māori. Kāore e ārikarika ngā rerenga kōrero reo Māori me ngā whakapākehātanga hei tauira mō ngā tikanga o ngā kupu matua.

Kei te taha o ngā kupu ko ngā whārangi o ngā pukapuka me ngā rauemi o Te Whanake kei reira ngā whakamārama kia tere ai te rapu i ngā kaupapa, i ngā whakamahuki o ngā momo whakatakoto kōrero me ngā kīwaha, i ngā mapi me ngā whakaahua.

Hokona Te Pūmanawa Tautono

Ka taea te papakupu reo Māori mō ngā taru paoho te hoko. Mā tēnei rauemi ka taea ngā kupu o te papakupu nei te kimi.
iPhone app|iPad app|Android app

Hokona Te Papakupu

Nā John C Moorfield te papakupu Te Aka Māori-English, English-Māori Dictionary and Index. Kua whiriwhirihia ngā kupu o te reo Māori o ēnei rā mō tēnei papakupu Māori hei āwhina i ngā tāngata e ako ana i te reo Māori.| He Kōrero Anō